未試
大家也該看過大雄的「我沒有試過」吧
本人有些「沒有試過」是很誇張的
你們的版本究竟又會是如何
今個禮拜
就給大家看看我們的「十大未試」!!
注：請不要寫「我沒有試過死」或「我沒有試過殺人」之類的廢話。係，李生最有可疑會寫這類廢言。
Sunday, October 21, 2007
Wednesday, October 17, 2007
Monday, October 08, 2007
Thursday, October 04, 2007
show me love
以前剛開始時每一次在別人部落格留言後，都會下意識的第二天去看看別人有沒有回覆。覺得這種像一個大家交談的方式（雖然比較慢），也像對別人文字的一種鼓勵。如果留言久久沒有被回覆，會覺得失望。我個人在自己的部落格也盡量回覆別人的留言，因爲我總覺得別人和你講話你不回答的話很沒有禮貌。
後來因爲自己也不記得到底自己曾經在哪裏留過言，所以不再特意回去看回覆。已經抱著“記得就回去看看，不記得就算了”的心態。而在自己的部落格裏的留言也開始逐一被忽略。有些不是故意的，只是一時忘記。有些卻是真的不知道要怎麽回答所以作罷。不過當然宗旨還是盡量回覆所有留言。
無論最後到底有沒有成功回覆每一個留言，總之看到有人“show me love”我就會覺得開心。你今天show me love了沒？^-^
Thursday, September 27, 2007
信(二)
阿爺﹐
喂﹐又係我呀。
我知你應該無乜心機睇我上次寫俾你果封信架喇﹐所以今次用廣東話寫﹐希望你會睇啦。
其實﹐我有一樣好重要o既野要講﹐而上次一D都無題到。
o係o黎緊呢兩年﹐你將會成日打邊爐同食 buffet ﹐然後暴肥好多好多磅。不過唔洗擔心﹐因為o係第三年o既暑假你就會無啦啦飆高。你之前兩年收藏起o既肥糕﹐會一次過清晒﹐將你由一個肥仔變成一支類似竹o既物體。o係我而家呢個年代﹐呢種物體叫做型男。係嬲記渴望追求﹐而又追到索晒氣都得唔到o既。邊個係嬲記?無乜所謂啦﹐總之你靚仔過佢就得啦。不過唔好誤會﹐你係唔係型男﹐同你將來搵唔搵到女朋友係無關係o既。
若果你睇到呢度都仲睇緊﹐你係咪好想問... 究竟呢個又肥又瘦o既過程﹐對你o黎講有咩咁重要呢?
若果你睇到呢度都仲睇緊﹐你係咪好想問... 究竟呢個又肥又瘦o既過程﹐對你o黎講有咩咁重要呢? 其實....係無關係o既 =_=" .... 只不過我有一個好重要o既 blog post 要寫﹐而我又毫無頭緒﹐唯獨是我諗起你...祝生活愉快
16 年後的你﹐
Michael 上
P.S. 喂﹐唔好嬲啦﹐又做肥仔又易嬲﹐好容易爆血管架
P.P.S. 不如你認真D考慮下買我俾你果期六合彩啦
P.P.P.S. 放心﹐o係你成長o既過程﹐你會有大把呢D自己玩自己o既機會。
Monday, September 24, 2007
Thursday, September 20, 2007
中國藝術
自從創辦 我們...不是新浪網 :P 到而家﹐
我地不斷諗題目﹐
跟住寫寫寫...寫得多﹐實在有D悶﹐
所以今個禮拜試下用圖片去做題目。
你可以從以下呢幾張圖片揀一張
(一)﹑(二)﹑(三)﹑(四)﹑(五)
然後﹐請將圖片貼出﹐再為你揀左果張圖片入面o既相中人﹐作出一個故事或一句以上o既對白。
以上圖片﹐全部都係出自 Google Image Search - keyword "Chinese Contemporary Art"
可惜我是巨蟹座
大家好，我係駐守係巨蟹宮嘅迪斯馬斯克。俾面嘅，咪叫我做「黃金聖鬥士」囉~ 唔順超嘅，咪叫我咩小囉嗦呀，咩高級嘍囉呀，咩難聽嘢我未聼過吖~~
依家我睇得好開囉，鬼叫我係衰人咩!!但係衰人還衰人，我始終都係巨蟹座，係一名顧家嘅男人，我都有我溫柔嘅一面!!
每當我欺負那堆低能及扮嘢嘅青銅戰士﹐我都想快啲推晒佢地落地獄。然後快啲返屋企，享受家庭嘅溫暖。
迪斯馬斯克：「爸爸媽媽，我返黎喇!!」
迪斯馬斯媽：「我地食剩左啲餸，你自己搞惦喇~」
迪斯馬斯爸：「順便洗埋啲碗丫﹐成個月未洗過喇。」
迪斯馬斯克：「爸﹐我堂堂黃金聖鬥士﹐你唔係叫我洗碗呀?」
迪斯馬斯克：「我一招『積屍気冥界波』，就可以...(未講完)」
迪斯馬斯媽：「積咩~~屎氣冥咩~~界波呀你???」
迪斯馬斯爸：「人地個個出面啲必殺技，唔係咩閃電光速，就係星光滅絕。」
迪斯馬斯媽：「係囉，你果啲咩咩波，收埋佢喇，咪笑死人呀!!」
迪斯馬斯爸：「做奸角做到好似你貢屎，咪鬼做奸人啦，做返好人算喇!!」
迪斯馬斯媽：「喂~~~咪成棵樹貢擋住個電視啦!!!」
迪斯馬斯爸：「死埋邊喇!!《最緊要政治》就黎做喇!!」
一個愛家庭的巨蟹，在一個沒有溫暖的家庭長大。難怪迪斯馬斯克，在社會裏會行歪走錯。
Thursday, September 13, 2007
Thursday, September 06, 2007
Thursday, August 30, 2007
映昔台 07' 個人發展進程表
- 接近無改善
* 奉行 Being Happy
- 自從上個 project 完左﹐成日都好 happy
* 唔同一D唔玩得o既人講笑
- 已經續步續步邁向目標
* 講野要經大腦(然後再 loop 多幾次先出門口)
- 變得越講越少野
* increase the rate of 運用對眼去望靚女
- 已經唔需要/可以。再望就有機會被插眼。
Thursday, August 23, 2007
嚇 mike 三寶
一見到題目﹐諗都唔洗諗﹐就已經有幾樣...
1) 指甲銼
曾經有無數次﹐俾人話我D指甲好尖好利﹐篤親人。因為我真係好怕要銼指甲﹐自細已經係。就算有人近距離o係我身邊銼指甲﹐我都會毛管棟!
2) 橙
唔好問點解﹐我自己都唔知。凡係同橙咁上下 texture﹐我都唔會擺落口。感覺上﹐咬落去果種似彈非彈o既纖維質感﹐令我有覺得好似咬緊D血淋淋o既野咁。好驚!
3) 任何類形 lotion
接近係掂到都唔制﹐好唔鐘意果種黐訥訥﹑油凜凜o既感覺。如果有人幫我搽就無咁大問題(不過就唔可以搽手同面)。試過﹐細個果陣俾陳小姐圍住張檯追幾個圈都唔肯就範。而家﹐唯一我會有機會接觸到 lotion 就係幫阿女搽果陣﹐每次都要硬住頭皮﹐心裡面咿哇鬼叫一輪﹐現後外表要扮到若無其事咁頂硬上。
Thursday, August 16, 2007
未來冇事第三集
我承認我是個科幻迷
而我深信
每個科幻迷都愛幻想一些未來產品
以下便是一些嬲記牌產品:
- 醫學/健康:
利用複製技術和基因改造。製作出一系列的人和動物混合成的内臟和器官。内臟移值手術，如心肺腎肝腦細胞，應有盡有。而移值器官如眼球能擁有鷹的超遠視，靠手指便能分辨出食物的味道，提取斷手病人的DNA，為當事人製做新的手，然後再接駁等等。而因這些内臟和器官都是製做出來，所以永遠不會缺貨。
- 玩玩玩:
當然電動玩意也該進入更真實的層面。日後我們可能會目到PlayxxxtionVII的出現。玩家能感受到真實打鬥或戰爭。如何運作﹖看過MATRIX沒有﹖當然﹐書也不用讀了﹐直接把世界上所有的學識都下載進用戶的記憶裡就行了。
- 觀光旅行團:
想看看恐龍，或重溫一些歷史裡的重要時刻嗎﹖時光機幫到你﹐但對不起﹐因怕會改寫歷史﹐各位只能眼看手勿動。
Thursday, August 09, 2007
Thursday, August 02, 2007
肉體斬件 之 映影相
我細細個果陣﹐係睇筋肉人﹑龍珠之類o既卡通片長大。所以﹐果陣成日都覺得D手臂要有咁粗得咁粗﹐仲要加埋D血管唧晒出o黎先叫做形。到左而家﹐D血管真係唧晒出o黎﹐但係對手臂就一D都唔粗﹐唔單只唔形﹐仲幾核突。
唉~~~
=_="
Thursday, July 26, 2007
嬲記瘀事錄
小時候:
- 應錯人地阿媽為媽記
- 在※華國貨與媽記走失﹐要服務台人員用廣播:「♪♬♫~羅※澤小朋友的媽媽﹐請到服務台﹐你的兒子在這裡。~♪♬♫」
- 小一在課時﹐舉手要求去廁所﹐但被老師懷疑和拒絕。結果臨放學時瀨尿﹐在一眾同學前。
- 很喜歡玩跳樓梯﹐能從越高的梯級跳下來就越厲害。結果﹐從七級樓梯跳下來的我﹐大脾脱臼。
- 脱臼後看鐵打﹐由於脱臼的位置﹐黑色的藥膏要貼在屁股上。但藥膏貼不穩﹐走路時跌了一patpat的藥膏在地上﹐被同學們誤會是大便。
- 第一次上臺唱歌﹐好很緊張﹐好狠地走音。
- 當面拒絕了某人的愛意﹐但原來表錯情﹐她不愛我﹐但愛我的朋友。
- 在夢中情人的家裡........肚痛.........借廁爆石。
- 中鳥屎。
- presentation中噴口水。
- 獨自出街食飯﹐埋單才發現竟然冇帶錢﹐間野又唔Q收卡﹐要急call友人求救﹐最後對住張單和夥計們的冷眼45分鐘才了事。
- 火車未到站﹐後知後覺﹐被友人指出我穿winnie-the-pooh孖煙筒。
- 吃得太飽﹐當街嘔吐。
- 酒量差但學人飲急酒﹐玉米肉粒飯﹐原碟吐出﹐在桌子上。
- 喝太多﹐發顛跑街﹐醉躺街道上﹐躺著嘔。
- 把車匙反瑣在車內﹐次數多到數不盡。
- 我請客﹐但忘了帶銀包。
- 我載你走丫! 但不見了車匙。
Hana瘀瘀事
十嵗：自小體弱多病，父母管教嚴厲不給我們吃零食。放學時期搭校車回家前偷偷買了雪糕筒吃。可是離遠看到父母來接我放學，立刻把雪糕筒硬塞給站在身旁的同學。回到家父母說“唔好以爲我地睇唔到！”
十一嵗：有人從校車上大喊靚女，我轉過頭想看看誰在喊。怎麽知道聽到一聲“叫妳咩？唔知醜！”
十二嵗：被老師選做演講比賽司儀。當中有個人的題目是“勤能補拙”。我以爲好型的講“下一位演講者是XXX。所演講的題目是，勤（還特地頓了頓）能補拙。”可是大家卻以爲我口吃。
十三嵗：第一次接觸姨媽，用不慣衛生棉，校裙沾到了而不知情。還大搖大擺的在校園裏走動。
十四嵗：有枝筆掉在地上，男同學和我同一時間伸手拾起來，就在那時他的手踫到了我的手。我的臉立刻變得通紅很不好意思。然後男同學問我“妳怎麽了？”我只好搖搖頭。
十五嵗：老師講了一個字，我不明白。就問了鄰座的男同學。他望著我眼睛說“精啊！精子啊，知道嗎？”我心想，洗唔洗貢大聲啊？驚死人地唔知我唔識咩！
二十嵗：打開了朋友的車門上車想拿東西，可是進入車子後卻發覺汽車上的東西擺設全然不同。那一刻才知道我上錯陌生人的車。
二十一嵗：有天住宿舍的朋友問我“妳剛才在哪裏？大家都在練習走火警卻沒有看見妳出來。”我瞪大眼睛問“什麽？剛才真的走火警？有鐘聲響麽？我什麽都沒有聼不到也！”朋友問我到底在幹什麽，我答到“我在睡覺囖！”
二十二嵗：在Disney World看煙花，大庭廣衆下被Badtz擁吻，嘗試掙扎不果。以爲失散了的朋友們之後說看到了我們。除了瘀皮之外，我一點也不覺得浪漫。
二十三嵗：在朋友房間看到洩了氣的氣球，就手多多拿來玩。怎麽知道朋友和我說“那是用過的安全套也！妳幹痲拿來玩？”世界上到底有誰那麽變態把套吹成氣球？況且還是用過的！ @%$&#*
映昔台 之 少年瘀事簿
Thursday, July 19, 2007
纏擾 之 ♪:*:･･:*:･♪
一九九四年
我在台灣的MTV頻道
聽到一首歌的結尾﹕
♪♬♫~~我想總有一天你會懂﹐誓言不必天天說﹐牽著我﹐的衣袖﹐像牽住一生的承諾...MY LOVE~~♪♬♫
不知道誰唱也不知道歌名
但歌詞和旋律卻銘記不忘
Thursday, July 12, 2007
Thursday, July 05, 2007
假如我是小花丸
周末看完《中華賭俠》後和Badtz在電話裏的談話:
我：「你打來幹嗎？」
他：「下？？」
我：「我頭先發夢見到豬皮呀!!」(等著他安慰我)
他：「咩黎架？」
(過了一陣子，我按捺不住)
我：「你怎麽每次説話都加個問號？」
他：「Hana,你爲何變了男人聲？？」
我：「什麽!!？(音頻高八道) 冇...er...我喉嚨痛之嘛...」
我：「就...就算我變男人聲,你係咪唔愛我吖!？(超高尾音)」
他：「點會呢？我同你簡直係true-love 喇!!!」
他：「好似Titanic, Automatic, Panasonic 果啲貢喇!!」
(開始有點奇怪...)
我：「你好似唔係Badtz wor...」
他：「其實我係Altair...」
原裝版本: 野蠻女友（一）
Wednesday, June 27, 2007
大兜亂
呢個遊戲玩左咁耐都係淨係自己顧自己﹐我就覺得唔夠 cross-over 。所以今個禮拜整個大兜亂...
格式:
1) 每人寫四句﹐每句都有特定o既開頭﹐ i.e.
我 ... 因為 ...
但係 ... 所以 ...
2) 第一句同第四句將會留翻俾自己個 post ﹐第二句會去下家﹐第三句會去上家。
例: 如果個次序係 嬲記 → Altair → Hana
Altair 個 post 就會用嬲記的第二句﹐同埋 Hana 的第三句。
3) 為左令讀者有機會估到我地做乜﹐我地將會各自揀選一個顏色﹐去 color code
屬於自己o既句子。
4) 標題只有三個字﹐跟住次序 color code 埋佢啦。
其實本 post 最主要係想測試大家是否色盲。
Wednesday, June 20, 2007
mike mike 搜奇
今次 hana 出題﹐逼住我去 Search 一D搞笑o既 video clip。
最終﹐我都係揀翻棟篤笑。D硬滑稽真係唔係好得...
...Everything will be pocket size, when your ass is big enough...
一絕!!
Friday, June 15, 2007
Thursday, June 07, 2007
挑釁 之 留給嬲記的說話
(本 post 原全出於挑釁﹐部份用詞可能會令人情緒不安﹐敬請留意!! )
愛情﹐如果得唔到雙方面o既認同﹐係無辦法成事o既。
正如﹐寫 blog 時被人抄橋或抄 style﹐如果你唔會為呢件事而動氣﹐挑釁亦都係唔成立o既。
請繼續保鮮﹐我會繼續... 抄你。
Wednesday, May 30, 2007
Thursday, May 24, 2007
十七歲 之 再會了
還有一年﹐妳便要離開了。
其實﹐在美國的家庭來說﹐青年人到了十七八歲要上大學是很平常的事。但說到底﹐我此刻的感受﹐實在難以形容。
這麼多年了﹐要分開﹐總有點不捨罷。坦白的說﹐我真的很高興妳將會有機會盡展所長﹐但另一方面﹐我又痛心非常﹐不忍眼白白的望著妳離開﹐留也留不住。
妳還記得嗎? 曾經有一段時間﹐我每天下班回家後﹐第一時間就去看看妳。每次望著妳一天一天的長大﹐心裡總是十分興奮。有時﹐半夜醒來﹐我也會靜靜的看著你﹐就算你不作出任何反應﹐抱著妳我還是感到幸福的。
雖然﹐妳要走已經是不可改變的事實﹐也是我十多年前預計了的結果﹔但每次想到妳要離開﹐幻想著那天的情境﹐我雙眼就會無故的濕潤起來。縱使這是多麼無謂的事﹐或許﹐一向喜歡逞強的我﹐仍會洒下幾滴淚。
怎樣說也好﹐一下子失去了一些跟自己在一起的﹐實在會有點不習慣。
如果阿女的學費不是那麼貴﹐妳說會有多好呢...
錢呀~~~~ 再會了!!
Friday, May 18, 2007
口頭禪 之 我有十句
無翻十句八句呢D﹐點學人做老豆呀?
哇哈哈哈~~~~
「天光喇﹐起身返學喇。」
「快D去洗面擦牙啦!」
「要食咩早餐呀?」
「食完o野去換衫返學啦。」
「做完功課先玩啦。」
「就快食得飯喇﹐唔好再食 junk food 喇。」
「熄電視啦﹐食飯喇。」
「做晒功課未呀?」
「夠鐘上床喇。」
「夜喇﹐咪埋眼訓啦。」
「快D去洗面擦牙啦!」
「要食咩早餐呀?」
「食完o野去換衫返學啦。」
「做完功課先玩啦。」
「就快食得飯喇﹐唔好再食 junk food 喇。」
「熄電視啦﹐食飯喇。」
「做晒功課未呀?」
「夠鐘上床喇。」
「夜喇﹐咪埋眼訓啦。」
呼呼~~ 又一日~~~
Friday, May 11, 2007
Saturday, May 05, 2007
Friday, April 27, 2007
Subscribe to:
Posts (Atom)
