信(二)

阿爺﹐

喂﹐又係我呀。

我知你應該無乜心機睇我上次寫俾你果封信架喇﹐所以今次用廣東話寫﹐希望你會睇啦。

其實﹐我有一樣好重要o既野要講﹐而上次一D都無題到。

o係o黎緊呢兩年﹐你將會成日打邊爐同食 buffet ﹐然後暴肥好多好多磅。不過唔洗擔心﹐因為o係第三年o既暑假你就會無啦啦飆高。你之前兩年收藏起o既肥糕﹐會一次過清晒﹐將你由一個肥仔變成一支類似竹o既物體。o係我而家呢個年代﹐呢種物體叫做型男。係嬲記渴望追求﹐而又追到索晒氣都得唔到o既。邊個係嬲記?無乜所謂啦﹐總之你靚仔過佢就得啦。不過唔好誤會﹐你係唔係型男﹐同你將來搵唔搵到女朋友係無關係o既。

若果你睇到呢度都仲睇緊﹐你係咪好想問... 究竟呢個又肥又瘦o既過程﹐對你o黎講有咩咁重要呢?

若果你睇到呢度都仲睇緊﹐你係咪好想問... 究竟呢個又肥又瘦o既過程﹐對你o黎講有咩咁重要呢? 其實....係無關係o既 =_=" .... 只不過我有一個好重要o既 blog post 要寫﹐而我又毫無頭緒﹐唯獨是我諗起你...祝生活愉快

16 年後的你﹐

Michael 上


P.S. 喂﹐唔好嬲啦﹐又做肥仔又易嬲﹐好容易爆血管架
P.P.S. 不如你認真D考慮下買我俾你果期六合彩啦
P.P.P.S. 放心﹐o係你成長o既過程﹐你會有大把呢D自己玩自己o既機會。