嚇 mike 三寶

一見到題目﹐諗都唔洗諗﹐就已經有幾樣...

1) 指甲銼
曾經有無數次﹐俾人話我D指甲好尖好利﹐篤親人。因為我真係好怕要銼指甲﹐自細已經係。就算有人近距離o係我身邊銼指甲﹐我都會毛管棟!

2) 橙
唔好問點解﹐我自己都唔知。凡係同橙咁上下 texture﹐我都唔會擺落口。感覺上﹐咬落去果種似彈非彈o既纖維質感﹐令我有覺得好似咬緊D血淋淋o既野咁。好驚!

3) 任何類形 lotion
接近係掂到都唔制﹐好唔鐘意果種黐訥訥﹑油凜凜o既感覺。如果有人幫我搽就無咁大問題(不過就唔可以搽手同面)。試過﹐細個果陣俾陳小姐圍住張檯追幾個圈都唔肯就範。而家﹐唯一我會有機會接觸到 lotion 就係幫阿女搽果陣﹐每次都要硬住頭皮﹐心裡面咿哇鬼叫一輪﹐現後外表要扮到若無其事咁頂硬上。