我們...不是新浪網 :P

牡丹樓港女

2008-05-22T08:50:00.000-07:00

各位(親愛的)牡丹樓員工﹐

近日出現「美心港女」事件後﹐人士部非常擔心會有同類事件發生於本連鎖店內。有見及此﹐上頭特令頒發以下「如遇痴線發爛渣客人應變能力問卷」。請填寫閣下認為最滿意之答案。

※如顧客要求餐牌上沒有的食品﹐如「芝士律醬堡」或「極樂雞」或「海陸空三寶飯」該如何應變?

※如顧客要求把青瓜`牛肉`茄醬`番茄`麵包及生菜分開上﹐該如何應變?

※如顧客不斷問﹐「你講乜野呀?」三次或以上﹐你的第一反應是...?

※顧客極度不滿﹐喪話要見經理。但原來你就係經理﹐你會...?

※顧客極度不滿﹐爆晒粗。但突然又叫你等陣﹐因他要拿出手機拍短片。更揚言要在網上公開片段﹐你會...?

※如顧客問候閣下娘親﹐而又有禮貌地要求你離開工作崗位去打能死佢﹐你會...?

※假如你的同事遇到此類客人﹐你會如何應變?

※如果你是旁觀的顧客﹐你會有何感受?

※如果你是麻煩客人的老公/老婆/老豆/老母/老師﹐你會有何感受?

※如果麻煩客人是你夢中情人﹐你會如何是好?

牡丹樓做底佢

2008-05-22T08:49:00.000-07:00

※如顧客要求餐牌上沒有的食品﹐如「芝士律醬堡」或「極樂雞」或「海陸空三寶飯」該如何應變?

服務及(盡量)滿足客人需求是我們宗旨。以本人愚見，以上食品可由本公司產品取代: 「芝士律醬堡」= 魚柳包走魚。「極樂雞」= 美極鮮醬油加麥樂雞「海陸空三寶飯」= 漢堡肉+麥樂雞+魚柳+叫客人過隔離勝記買白飯

※如顧客要求把青瓜`牛肉`茄醬`番茄`麵包及生菜分開上﹐該如何應變?

該問客人要否把芝麻也給分開上

※如顧客不斷問﹐「你講乜野呀?」三次或以上﹐你的第一反應是...?

可能撞聾，該把説話寫上紙上。

※顧客極度不滿﹐喪話要見經理。但原來你就係經理﹐你會...?

俾張卡片佢，然後大聲疾呼：「多多指甲!!!」

※顧客極度不滿﹐爆晒粗。但突然又叫你等陣﹐因他要拿出手機拍短片。更揚言要在網上公開片段﹐你會...?

立刻呆站用極速讀出以下口號:「雙層牛肉巨無霸醬汁洋蔥夾青瓜芝士生菜加芝麻人人食過笑哈哈...」直至手機或手提攝錄機冇電為止。

※如顧客問候閣下娘親﹐而又有禮貌地要求你離開工作崗位去打能死佢﹐你會...?

收銀崗位比較繁忙，我會叫GRIMACE去做底佢。

※假如你的同事遇到此類客人﹐你會如何應變?

扮成漢堡神偷然後做出不雅動作。做成混亂意圖引開客人注意。

※如果你是旁觀的顧客﹐你會有何感受?

好開心。以爲係啲搞gag節目。

※如果你是麻煩客人的老公/老婆/老豆/老母/老師﹐你會有何感受?

以後會比較想食茶餐廳多啲。

※如果麻煩客人是你夢中情人﹐你會如何是好?

送多杯奶昔畀佢。

對付港女對策

2008-05-22T08:48:00.001-07:00

敬愛的牡丹樓老闆，

身為牡丹樓盡忠盡責的員工，定會為「如遇痴線發爛渣客人應變能力問卷」盡最大努力。以下就是本人認爲滿意的答案。

※如顧客要求餐牌上沒有的食品﹐如「芝士律醬堡」或「極樂雞」或「海陸空三寶飯」該如何應變?
要求顧客一年後回來光顧，到時應該可能或許有那些食物。

※如顧客要求把青瓜`牛肉`茄醬`番茄`麵包及生菜分開上﹐該如何應變?
禮貌要求顧客等候十分鈡，然後在後面準備配料時每個一口水。

※如顧客不斷問﹐「你講乜野呀?」三次或以上﹐你的第一反應是...?
禮貌地回答顧客「服務緊妳吖嘛，小姐。」

※顧客極度不滿﹐喪話要見經理。但原來你就係經理﹐你會...?
「我就係經理喇，有乜野可以幫到妳？」

※顧客極度不滿﹐爆晒粗。但突然又叫你等陣﹐因他要拿出手機拍短片。更揚言要在網上公開片段﹐你會...?
「請小姐妳等等唔好拍住，我化個靚妝先。」

※如顧客問候閣下娘親﹐而又有禮貌地要求你離開工作崗位去打能死佢﹐你會...?
告訴顧客我阿爹話唔可以亂聼陌生人既話。如果顧客想食皇家飯我歡迎顧客入黎。

※假如你的同事遇到此類客人﹐你會如何應變?
幫同事化個靚妝等同事可以上鏡D。

※如果你是旁觀的顧客﹐你會有何感受?
好開心有戯睇。

※如果你是麻煩客人的老公/老婆/老豆/老母/老師﹐你會有何感受?
即刻買部好D既相機，拍得靚D丫嘛。

※如果麻煩客人是你夢中情人﹐你會如何是好?
笑話，點可能會愛上港女？

牡丹樓電車男

2008-05-22T08:48:00.000-07:00

致牡丹樓辦事人﹕

本人於上月二十日晚上九時左右到貴餐廳用膳﹐於收銀處跟疑似電車男物體服務員發生爭執。電車男無能非常﹐問非所答﹐態度惡劣﹐令本人昏迷於貴餐廳地上數小時。以下是我兩對話內容...

我:「唔該俾個漢堡包﹐一個細薯條﹐一杯細可樂。漢堡包要A1 steak sauce﹐薯條要少鹽﹐細可樂唔要冰。」
電:「係咪玩野呀﹐港女?」

我:「下? 你講乜野呀?」
電:「你唔好以為你有錢俾就大晒呀﹐最新o既公司政策話﹐我地可以拒絕任何無理要求架。」

我:「你講乜野呀?你知唔知我老公係邊個呀?」
電:「小姐﹐你唔好恐嚇我喎﹐你再搞事我就去報警架。」

我:「我咩都唔要喇﹐咳咳咳咳....」
電:「小姐﹐你做乜講粗口呀。最新o既公司政策話﹐當客人出言侮辱﹐我地係可以暫時離開工作崗位﹐邀請該客人到街外私下決鬥。小姐﹐麻煩你跟我出出唻丫。」

我:「你等陣﹐等我拎個手機出唻...」
電:「啊﹐你用手機影我?最新o既公司政策話﹐如果客人...」

說時遲﹐那時快﹐本人眼前出現了三件牡丹雞甩吉。半秒後﹐我暈倒了。

四個小時後﹐當我回復知覺﹐從地上爬起﹐發現餐廳內只有清潔人員在打掃。其他人等﹐早已逃之夭夭。

本人明白較早前「美心港女」事件令各個服務性行業提高警惕﹐但本人為一名年近七旬老婦﹐何以會被誤作港女看代呢?雖則本人認同貴公司對滋事港女的種種對策﹐但貴公司應加強員工對辨別港女的訓練。本人因此事深受侮辱﹐懇請查明事實﹐還我交代。

另因本人於貴冷氣強勁的餐廳昏迷達四小時之多﹐弄得風寒入骨﹐久醫不瘉。現附上湯藥費單乙張﹐務請將賠償款項盡速寄回。

董太上

天馬行空

2008-04-30T07:26:00.000-07:00

這期的題目是。。。。老作

衆多相片中，大家偏偏選了這一張

我們就來憑空想象，一起老作

你跳我跳

2008-04-30T07:25:00.000-07:00

（情侶設計對白）

左：“我地黎做個創舉”
右：“咩創舉？”

左：“You jump i jump”
右：“You jump i jump好創舉咩？套戯做到爛曬喇。好老土吖你！”

左：“但係人家jump落海，我地jump落崖，勁D嫁！
右：“=_=，唔該你買重保險先跳，收益人寫我名。我會幫你照顧屋企人。。。”

映昔醫學台之穿鞋看心理

2008-04-30T06:11:00.000-07:00

大家好﹐又到左映昔醫學台o既時間喇。

今個禮拜﹐我地請左心理學權威吳扁泰教授同大家一齊探討下「穿鞋心理學」。

我:「吳教授﹐你好。麻煩你可唔可以好簡單咁同我地分析下幅相呢。」

吳:「只要你視力無問題﹐你會好容易會發現﹐相中有兩對腳。左邊一對﹐右邊一對。」

我:「吳教授﹐你真係眼光獨到喇﹐不如我地講講右邊果對先啦。究竟一個點樣o既人﹐去到二OO八年仲會著 Converse 呢? 究竟一個點樣o既人﹐坐o係度條褲腳都拉到遮晒鞋帶呢?咁企起身果陣咪拖晒地? 」

吳:「我估計呢對腳果個主人﹐應該屬於一個幾潮﹐而且幾鐘意扮靚o既人。」

我:「點解你會咁講呢?」

吳:「因為我覺得 Converse 同地拖褲都好核突囉。正正因為我永遠走在潮流沒端﹐所以我相信我覺得核突o既野﹐潮人就會覺得好型喇。」

我:「啊﹐原來係咁。再講講左邊果對腳喇。點解會有人著鞋D鞋帶鴛鴦色呢?又有咩人綁鞋帶會打多一個纈呢? 驟眼望埋去﹐D鞋帶綁得咁鬆﹐點解呢?」

吳:「我估計呢果對腳個主人﹐應該屬於一個幾不拘小節o既人。」

我:「吳教授呀﹐咁係咪即係話鴛鴦色鞋帶﹐就代表無所謂呢?」

吳:「無錯喇﹐你淨係見佢對鴛鴦色鞋帶﹐兩隻色完全唔啦更﹐就可以想像到﹐佢份人係幾無所謂。而且﹐鞋帶打多個纈﹐好明顯就係怕煩﹐怕會甩鞋帶啦。再者﹐鞋帶綁得咁鬆﹐直頭就係因為可以返到屋企對鞋可以唔洗鬆鞋帶就可以除﹐貪佢快捷方便。」

我:「我地今日o既節目時間又差唔多喇喎﹐好高興可以請到吳變態教授上唻﹐多謝晒。再會。」

當然﹐以上內容﹐純屬嘉賓個人意見﹐與本台立場無關。

嬲見解

2008-04-27T08:50:00.000-07:00

見圖﹐在下想到兩個劇情:

劇情(a):
「假若我們在這裡死去﹐恐怕只有地質學家才會找到我們。」

劇情(b):
「我以為你打野戰愛不脫鞋...怎料...原來你連褲也不脫!!!」

下個topic再會

回水

2008-03-24T23:59:00.000-07:00

話說﹐自踏入2008 年開始﹐美國經濟陷入困境o既深淵﹐銀行減息再減息﹐美金貶值再貶值。望住D油價高企﹐搭公共交通工具返工返學o既人﹐就每日俾D加左價o既巴士地鐵閹﹔而自己開車果D﹐就每日好似自己閹自己一樣。

有見及此﹐我地果個曾經被喻為 miserable failure o既總統早排建議派錢。凡係有申報2007年入息稅o既美國國民﹐而年薪唔係太高果D﹐一律都有水回。只要乎合資格﹐就有六百。

你又會點洗呢六舊水呢? 你又覺得呢個派錢計劃 work 唔 work 呢?

冤枉來的六百元

2008-03-24T23:18:00.000-07:00

我曾經睇過一本書﹐書裡面題及﹐若果你想發達﹐你就要將你得到o既每一分一毫好好利用。例如﹐你可以...

用 50% 作為平日必需洗費
用20% 去投資錢搵錢
用10% 去買書為自己增值
另外 10% 毫無顧忌咁洗左佢
最後10% 儲起以備不時之需

如果我依足呢條 formula 去洗D錢﹐就即係話我會...

有三舊水要用作平日雜費(即係日常o既被閹費)
有一百二十蚊去投資 (百二蚊大概買到 1/10 oz 金)
有六十蚊可以買書 (好過無囉)
有六十蚊可以好折墮咁洗左佢
另外仲要儲起六十

可惜﹐今日我收到車房電話﹐話我架車四條 tires 都光晒頭﹐全部要換過晒。
百五蚊一條﹐四條就剛剛六百。

於是乎... 冤枉來的六百元﹐就瘟疫地洗了。
且慢... 六百蚊仲未計稅... 六百蚊加 7% 稅即係要六百四十二蚊。
那麼... 冤枉來的六百元﹐就瘟疫地被我洗凸了。

由始可見﹐呢個回水計劃﹐一D都唔 work!!

救救小澤基金會

2008-03-24T19:11:00.000-07:00

你可能會問﹐出面依家咩都貢★貴﹐六百蚊又可以買啲咩?? 相信很多人會把收到的退稅存起。

但有經濟學家指出。你在外頭花的每一元﹐將會有助經濟帶動五元收益。對現在死靜的經濟有很大的幫助。

但如果你問我﹐我嬲記將會把收到的退稅﹐全數捐贈給【救救小澤基金會】。好讓小澤能有更好的明天。各位﹐不要把錢存起來﹐太沒有意義了。捐出來﹐救救小澤﹐展示您們仁慈的公益心。

我們現在有兩條捐款熱線同時開啟﹐方便各位善心人士。海外的朋友更可以直接把善款﹐匯入米國華盛頓互惠銀行帳戶:44214-68492。多謝。

生活如常

2008-03-24T14:58:00.000-07:00

其實對於政治時事我通常都不聞不問，只在乎身邊朋友和自己。突然聽朋友說政府給回我們USD600，我沒有問爲什麽，只知道有錢收第一反應就是“好野！”

怎知道這期不但需要寫怎麽用那筆錢，還需要寫那個派錢計劃work 唔 work？根本不知道爲什麽要給回錢我們，又怎會對計劃有看法？結果我就向人求救，叫朋友告訴我計劃的用意。

朋友告訴我政府要刺激經濟喔。我每個月都繳房租繳電話費水電費出外吃飯買東西，我不是都在刺激經濟嗎？還有我最近頻頻外出散心一個月一次還準時過姨媽，那也是在刺激經濟啊！

我每年退稅的時候都沒有盤算如何運用拿回來的錢就讓它們繼續留在銀行裏。今年那些錢和那六百塊錢就當作是幫補我近期散心費用吧。

那麽遠，這麽睇

2008-02-11T09:43:00.000-08:00

blog友同blog友間既認識

通常係由陌生人開始

你從朋友網到click一click

去到另一個人到

再click，再去另一個人到

如此類推，你去到好遠好遠。。。

呢期我地要從衆多陌生人中

柬一個人既blog黎讀，跟住寫寫讀後感

大家先放低陳生同D小姐們既新聞

一起黎睇睇我地對潮媽有何感想。

學會愛自己

2008-02-11T09:42:00.000-08:00

第一次讀潮媽既部落格，只不過是因爲八卦。對於她的一時一樣，我覺得有點吃不消。有時她會給我希望，說自己會長大會愛自己。可是我卻一點也看不出她到底有多愛自己，也看不到她有怎樣正面的改善難題。很奇怪潮媽有很多支持者，令一度認爲她一點也不值得可憐的我懷疑自己是不是對她太苛刻。不過我依然沒有對她改觀，因爲我覺得一個不懂得愛自己的人，沒有能力去愛別人。

對不起﹐我不「潮」

2008-02-11T09:41:00.000-08:00

如果要寫感想﹐我最多只可以用兩個字去形容呢個 blog --「硬食」﹐因為我真係對呢個潮媽無興趣﹐完全處於無得揀o既情況底下﹐局住去睇呢個 blog。最後﹐睇左四個post﹐覺得好飽 (a.k.a. fed up)。

所以讀後感呢﹐就真係寫唔出喇。反而我想 bring out 一樣野﹐就係

任何人要去愛另一個人之前﹐首先要學識愛自己

作為一個老豆﹐我明白點解有人可以無私咁去愛錫自己o既小朋友。但係﹐愛錫小朋友唔等於將自己就一文不值。

樣樣呻﹐樣樣忍﹐唔等如偉大﹐極其量都只不過係有良心o既戇居。

祝君好運。

嬲記【潮媽】讀後感檔案

2008-02-11T09:40:00.000-08:00

啊蚊姐，

你喜愛冇嘴貓。冇問題。
如您未結婚，但又有BB。在出生證明文件上是不會註明您的小孩是「私生子」的。救命。
精液可以倒流，時間唔可以。以前邊個對你點好，點點，節哀順便。
別把結婚這條路推在其他「大人」身上，說什麽「大人」們已經替你們決定及安排所有云云。
因爲十八歲那日起你已是一名成年人。要否生育，要否與這令你沒有安全感的男人結婚，不能自我作出選擇嘛?
如你那男人沒有給過你家用/安全感/家庭溫暖﹐而你又有能力自養小孩。為何還在埋怨﹐離開不就行。
最後，係放「工」唔係放「公」。

愛你的錯字特功隊上

死喇啲青春痘

2008-01-25T23:59:00.000-08:00

暗瘡

一個令萬千少男少女

叫苦連天恨之入骨的兩個字

深信每個人也被這惡魔纏繞過

請用一百個字或以上

來細說你們的暗瘡故事

悲瘡錄

2008-01-25T22:51:00.000-08:00

我比較早熟
早在六年級時
已經開始爆瘡

當時我的臉滿是紅紅腫腫
有如地盤爛地一大塊
但周遭人每每皮光肉滑
臉帶笑容燦爛如花

可知他們的笑都帶有刺
有如冷箭
啊甲笑我有怪病
啊丙笑我不衛生
好像我一瞬間變成了怪物
朋友都倒戈相向不就雞飛狗走

結果到了中學
那堆取笑我的人
開始被暗瘡纏繞
而我的暗瘡卻慢慢地消失

畢業後偶爾還會遇上啊甲啊丙
他們還是滿臉青春
我一邊在暗爽
一邊相信這是TMD報應

映昔醫學台之暗瘡

2008-01-25T12:59:00.000-08:00

暗瘡﹐或者青春痘﹐係一種發生於毛囊皮脂腺的慢性皮膚病。青春痘通常會為年輕人造成極大心理壓力同埋精神痛苦﹐尤其果D唧極都唧唔出o既暗瘡﹐更加可惡。不過﹐我地映昔醫學台o既 target customer 絕對唔係呢班唧唔出暗瘡o既年輕人。所以﹐我地今日將會探討一下另一種暗瘡o既徵狀﹐同埋解救辦法。

暗瘡﹐照字面解釋﹐其實好明顯就係講緊一種瘡疤﹔一種o係一般情況下唔會察覺到﹐淨係陰D陰D﹐但係到左午夜夢迴或者空虛寂寞果陣﹐就會帶俾人一種黯然神傷o既感覺。呢種暗瘡o既成因有好多﹐主要包括太蠢﹑太笨﹑或者因為太蠢太笨而瘀過... 等等。而通常﹐因為大部份人o既腦袋都有一個自我保護系統﹐所以好少人會知道或記得自己蠢過﹑笨過﹑瘀過。亦因為咁﹐暗瘡o既問題只會o係一個情況下出現﹐就係當有一類人無時無刻都會o係你面前提醒你邊年邊月邊日o係邊度做過D咩蠢事。當受害者被呢類人提醒之後﹐暗瘡就會o係你腦海湧現﹐令你自覺難堪﹐唔想見人。而呢類挑起你暗瘡o既人﹐o係醫學上有一個學名叫「人賤不能移」﹐我地簡稱為賤人。

解決暗瘡o既辦法其實只有兩個:

(一) 遠離賤人。只要佢賤你唔到﹐暗瘡就唔會出現啦。

(二) 先下手為強。當你可以做到比賤人更賤﹑更快出手/口﹐令其他賤人為求自保﹐無辦法/時間去挖掘你o既瘡疤﹐你就成功喇。

今日我地o既節目時間又差唔多喇喎﹐希望大家以後可以有效咁避開呢種暗瘡啦。拜拜!

留“朧”

2008-01-25T12:52:00.000-08:00

以前某個時期身邊朋友紛紛經歷青春的煩惱。那時我慶幸自己還沒有那種煩惱。後來我開始有青春痘的時候有個朋友告訴我把暗瘡擠出來後會很快好。可能我道行不到家，臉上開始留疤痕。從此之後，我寧願暗瘡留“朧”留血都不再理會他們，讓他們自生自滅自己散掉。（其實另一個原因是因爲我自己懶惰）

咦，講起來可能我和嬲嬲以前已經是朋友呢！

未試

2007-10-21T22:45:00.000-07:00

大家也該看過大雄的「我沒有試過」吧

本人有些「沒有試過」是很誇張的

你們的版本究竟又會是如何

今個禮拜

就給大家看看我們的「十大未試」!!

注：請不要寫「我沒有試過死」或「我沒有試過殺人」之類的廢話。係，李生最有可疑會寫這類廢言。

我未試過囉

2007-10-21T22:21:00.000-07:00

-買bathing ape野
(反對麻木追求潮物﹐但最近買了件comme-_-")

-成功看完(任何)一場世界盃足球賽
(我覺得好悶﹐sorry)

-過澳門
(媽記話過去就做就左喪賭的爸記wor)

-去荔園
(媽記爸記都好忙﹐佢地話)

-去歡樂天地
(爸記話係浪費金錢的地方﹐結果他去了麻雀館)

-坐海盜船
(點解?怕死囉 XD)

-食白糖糕
(他人以為我想減肥...)

-食咘仔糕
(...但係其實我怕甜)

-搭訕
(-_-" 有點尷尬 + 害羞)

-為[我們...不是新浪網:P]准時交稿
(對唔住喇各位)

Gmail Search 裡面的未試過...

2007-10-21T14:41:00.000-07:00

00) 用 MAC
01) 用汽水沖涼
02) 覺得鬼佬醒
03) 識得點去欣嘗薯仔
04) 養貓
05) 撞鹿
06) 用 Vista
07) 跳阿叉舞
08) 入後波行 high way
09) 唔見左個影
10) 畫一幅靚o既公仔
11) 負磅打網球
12) 用水生火
13) 落場鍊車
14) 用 Linux

**特別鳴謝 send 過 video clip俾我o既人。

未試但想試

2007-10-21T14:20:00.000-07:00

咖啡混橙汁

橙汁加鮮奶

熱檸樂加薑

千層三文治

巨型波板糖

任何木瓜湯

任何魚類湯

奶油西多司

咖喱雞果凍

青檸椰子蟹

死亡部落格

2007-10-17T23:59:00.000-07:00

上一代D人對「死」有一定o既忌諱﹐

大部份人都採用唔講﹑唔題﹑唔諗o既態度。

為左唔好咁邪﹐我已經將呢個題目避開﹐

留返過左七月先寫。

今個禮拜我地就講下「死亡」。

無任何規限﹐只要同「死」有關o既都得。

請自由發揮。

寫名

2007-10-17T23:56:00.000-07:00

我無睇過死亡筆記。但係聽講個故事係話﹐如果你寫個人名落去本筆記簿度﹐果條友就會無啦啦瓜左。

咁既然今次個題目係「死亡部落格」﹐我諗我都無謂寫咁多喇﹐寫個名算啦....

Happy Belated Birthday to 嬲記!!

死過返生，再死

2007-10-17T12:52:00.000-07:00

舊上司的爸爸與頑疾的老人病糾纏了好久

曾經做過無數次手術

曾經被急救過多次

曾經死過返生

在垂死的邊緣一直掙扎

醫生告訴家人要有心理準備

舊上司則告訴我他心情很矛盾

一方面大家都已經好累

可是另一方面卻非常不捨

結果，在感恩節前夕

他終于放下家人走了

願他一路好走。。。

死了又如何

2007-10-17T11:58:00.000-07:00

沒有一個人是不會死的

當天神父在他的喪禮上說

He lived a good life...

在萬般無奈裏

這夕話給我帶來一點的安慰

但問題又來了

Did I live a good life?

生日快樂

2007-10-08T12:22:00.000-07:00

親愛的♥嬲嬲♥：
（網上照片）

祝你生日快樂，心想事成！

永遠愛你的
♥我們...不是新浪網 :P♥

邀請啓示

2007-10-08T12:21:00.000-07:00

爲了慶祝“我們...不是新浪網 :P”創辦人之一嬲嬲既生日，我地決定趁佢唔向（出外公幹）既今日在佢家中舉辦一個龐大生日會。有意道賀既朋友記得早D到，就算人唔到禮都要到。除左現金之外唔收禮物禮卷。籌得現款將會買入嬲嬲想要既“橙盒”。剩餘現金全數撥入“我們...不是新浪網 :P”會員戶口，大家多多益善。

澄清啓示

2007-10-08T12:20:00.000-07:00

以上邀請啓示只不過係玩笑一則，無需真係撥款參與。亦唔好無端端衝上壽星公屋企。但係若然你夠慷慨錢多想參與，“我們...不是新浪網 :P”覺得嬲嬲係絕對唔會介意既。
^_^

Belated Happy Birthday

2007-10-08T01:00:00.000-07:00

生日祝福已寫在這裡

=_="

覆留言

2007-10-04T14:28:00.000-07:00

部落格裏的留言

有些人每一個留言都會回覆

有些人一個留言都不回

有些人選擇性回覆留言

你對於那些不回覆留言的舉動有什麽想法？

如果你的留言被忽視，你會怎麽樣？

show me love

2007-10-04T14:27:00.000-07:00

以前剛開始時每一次在別人部落格留言後，都會下意識的第二天去看看別人有沒有回覆。覺得這種像一個大家交談的方式（雖然比較慢），也像對別人文字的一種鼓勵。如果留言久久沒有被回覆，會覺得失望。我個人在自己的部落格也盡量回覆別人的留言，因爲我總覺得別人和你講話你不回答的話很沒有禮貌。

後來因爲自己也不記得到底自己曾經在哪裏留過言，所以不再特意回去看回覆。已經抱著“記得就回去看看，不記得就算了”的心態。而在自己的部落格裏的留言也開始逐一被忽略。有些不是故意的，只是一時忘記。有些卻是真的不知道要怎麽回答所以作罷。不過當然宗旨還是盡量回覆所有留言。

無論最後到底有沒有成功回覆每一個留言，總之看到有人“show me love”我就會覺得開心。你今天show me love了沒？^-^

我講故我在

2007-10-04T09:20:00.000-07:00

留言

讓作者知道有人閱讀他的文章

讓作者知道我的感想

也正是Hana所說的

(# of people)show me love

嬲記問

2007-10-04T02:29:00.000-07:00

點解唔覆留言?
● 因為好多時我都係無言以對。
● 因為我要用第二個 account 再 login 過先可以覆。
● (點解唔俾 anonymous 留言) 因為我唔鐘意。
● 如果真係有野想覆﹐我通常都會用 IM 去覆。
● (如果無佢 IM 呢?) 咁咪唔覆囉。

係咪想趕客?
●要走o既﹐你想留都留唔住。要o黎o既﹐你亦擋都擋唔到。
●我諗法比較簡單﹐我相信睇呢度o既人都係我o既真朋友﹐我唔會用「客」去形容佢地。(...)

食多D食多D~食多D喇!!

2007-09-27T22:47:00.000-07:00

你妳您身邊

有沒有一些人

很愛吃

但又可同時擁有模特兒身形

奇人奇事

萬分kuso

對那些食極都不會肥的人

想對他們說些什麼

或有什麼趣事可分享呢

※題目由霍斯提供

劈酒喇

2007-09-27T00:37:00.000-07:00

李(altair)先生

當我看到你那瘦瘦的身形時

我就立刻提議我們去喝酒

幹嗎

就是妒忌你的身形

想你喝下那肥仔水

順利變成肥仔一名

誰料

你竟然跑去打那TMD羽毛球

搞個人主義

玩健康

計劃失敗了...嗚

信(二)

2007-09-27T00:34:00.000-07:00

阿爺﹐

喂﹐又係我呀。

我知你應該無乜心機睇我上次寫俾你果封信架喇﹐所以今次用廣東話寫﹐希望你會睇啦。

其實﹐我有一樣好重要o既野要講﹐而上次一D都無題到。

o係o黎緊呢兩年﹐你將會成日打邊爐同食 buffet ﹐然後暴肥好多好多磅。不過唔洗擔心﹐因為o係第三年o既暑假你就會無啦啦飆高。你之前兩年收藏起o既肥糕﹐會一次過清晒﹐將你由一個肥仔變成一支類似竹o既物體。o係我而家呢個年代﹐呢種物體叫做型男。係嬲記渴望追求﹐而又追到索晒氣都得唔到o既。邊個係嬲記?無乜所謂啦﹐總之你靚仔過佢就得啦。不過唔好誤會﹐你係唔係型男﹐同你將來搵唔搵到女朋友係無關係o既。

若果你睇到呢度都仲睇緊﹐你係咪好想問... 究竟呢個又肥又瘦o既過程﹐對你o黎講有咩咁重要呢?

若果你睇到呢度都仲睇緊﹐你係咪好想問... 究竟呢個又肥又瘦o既過程﹐對你o黎講有咩咁重要呢? 其實....係無關係o既 =_=" .... 只不過我有一個好重要o既 blog post 要寫﹐而我又毫無頭緒﹐唯獨是我諗起你...祝生活愉快

16 年後的你﹐

Michael 上

P.S. 喂﹐唔好嬲啦﹐又做肥仔又易嬲﹐好容易爆血管架
P.P.S. 不如你認真D考慮下買我俾你果期六合彩啦
P.P.P.S. 放心﹐o係你成長o既過程﹐你會有大把呢D自己玩自己o既機會。

時辰未到

2007-09-24T07:28:00.003-07:00

那些怎麽吃都吃不胖的人往往會被人羡慕

可是我個人卻認爲其實不用羡慕他們什麽

因爲有些事情遲遲未出現，只因時辰未到

日子有功，可能有天他們會突然爆胖

有時就是這樣，你睇人好人睇你好。

中國藝術

2007-09-20T23:59:00.000-07:00

自從創辦我們...不是新浪網 :P 到而家﹐

我地不斷諗題目﹐

跟住寫寫寫...寫得多﹐實在有D悶﹐

所以今個禮拜試下用圖片去做題目。

你可以從以下呢幾張圖片揀一張
(一)﹑(二)﹑(三)﹑(四)﹑(五)

然後﹐請將圖片貼出﹐再為你揀左果張圖片入面o既相中人﹐作出一個故事或一句以上o既對白。

以上圖片﹐全部都係出自 Google Image Search - keyword "Chinese Contemporary Art"

輪街証

2007-09-20T14:24:00.000-07:00

Hana 醫生:「邊度唔舒服呀?」

昔昔:「啊﹐佢發燒之嘛。」

Hana 醫生:「發燒? 好嚴重喎﹐咁就要探熱喇。」

嬲嬲:「哇~~~醫生﹐唔係我發燒﹐係我隻狗發燒呀。」

八八卦卦

2007-09-20T14:23:00.000-07:00

人物：甲乙丙丁戊己
場地：斷背郊外公園
情景：一個接一個踎向到

已：“其實我地踎向到做乜？”

戊：“我都唔知道。我黎湊下熱鬧啫。”

丁：“我睇見佢地圍向到一個圈貢，以爲開飯所以咪埋位囖。”

丙：“我以爲佢地要燒書，所以過黎取暖既。阿乙你呢？”

乙：“唔知吖。。。我見甲笑到見牙唔見眼，以爲地下有金執，所以踎低八下囖！”

甲：“你地都痴綫既！見你行過黎我有禮貌梗係笑下打個招呼啦。其實我踎向到準備開大啊~~貢都要八！”

可惜我是巨蟹座

2007-09-20T10:32:00.001-07:00

大家好，我係駐守係巨蟹宮嘅迪斯馬斯克。俾面嘅，咪叫我做「黃金聖鬥士」囉~ 唔順超嘅，咪叫我咩小囉嗦呀，咩高級嘍囉呀，咩難聽嘢我未聼過吖~~

依家我睇得好開囉，鬼叫我係衰人咩!!但係衰人還衰人，我始終都係巨蟹座，係一名顧家嘅男人，我都有我溫柔嘅一面!!

每當我欺負那堆低能及扮嘢嘅青銅戰士﹐我都想快啲推晒佢地落地獄。然後快啲返屋企，享受家庭嘅溫暖。

迪斯馬斯克：「爸爸媽媽，我返黎喇!!」
迪斯馬斯媽：「我地食剩左啲餸，你自己搞惦喇~」
迪斯馬斯爸：「順便洗埋啲碗丫﹐成個月未洗過喇。」
迪斯馬斯克：「爸﹐我堂堂黃金聖鬥士﹐你唔係叫我洗碗呀?」
迪斯馬斯克：「我一招『積屍気冥界波』，就可以...(未講完)」
迪斯馬斯媽：「積咩~~屎氣冥咩~~界波呀你???」
迪斯馬斯爸：「人地個個出面啲必殺技，唔係咩閃電光速，就係星光滅絕。」
迪斯馬斯媽：「係囉，你果啲咩咩波，收埋佢喇，咪笑死人呀!!」
迪斯馬斯爸：「做奸角做到好似你貢屎，咪鬼做奸人啦，做返好人算喇!!」
迪斯馬斯媽：「喂~~~咪成棵樹貢擋住個電視啦!!!」
迪斯馬斯爸：「死埋邊喇!!《最緊要政治》就黎做喇!!」

一個愛家庭的巨蟹，在一個沒有溫暖的家庭長大。難怪迪斯馬斯克，在社會裏會行歪走錯。

習慣

2007-09-13T13:12:00.000-07:00

每個人都有些不同的習慣。

有的小時候形成

有的長大後才出現

有些改過來了

有些又改不掉

大家又有什麽改掉或改不掉的習慣呢？

兒時習慣

2007-09-13T13:01:00.000-07:00

最近一直想起兒時的一些小習慣：

曾經習慣喝汽水時兩支飲管一起用，然後把它們像僵屍牙一樣左右放在嘴裏。兩個一起吸，感覺好像能喝得快一點。

曾經習慣有條睡覺時專用的手帕，用來蓋在眼睛上。從來不喜歡拿去洗，因爲那個味道能令我入睡。

曾經習慣偷偷吃腌製紅薑，無花果，酸梅。長大後有了自由反而沒有太大的欲望再吃。

不過這些習慣，痛痛被改掉了。

懶人習慣

2007-09-13T11:24:00.000-07:00

單靠呢個習慣﹐身邊大部分o既事(當然亦包括工事)都可以唔洗點用腦﹐除左寫 blog...

亦因為懶﹐我唔打算再講我有幾懶喇。

呵呵呵~~~~

兒童節目

2007-09-13T10:20:00.000-07:00

看電視

是我的兒時惡習

媽記忙著賺錢

爸記不知忙啥

舅父告訴我

電視機是我的唯一玩伴

一直到中學

我每天都離不開電視

可以一直看六七個小時

OMG之聲

2007-09-06T23:49:00.000-07:00

Hana

出了對觸覺的恐懼主題

這次就談談

聽覺吧

究竟

什麼聲音會令你想死

嬲驚聲

2007-09-06T23:00:00.000-07:00

好簡單

濕了的球鞋底

再加上

雲石地板

兩者摩擦產生出的「卒碟」聲

可令我失控打人

嘰嘰聲

2007-09-06T14:47:00.000-07:00

最怕的聲音？上兩個三分の一post講過，就係好怕黑板寫野個種聲，同指甲抓黑板個种聲。

456

2007-09-06T07:43:00.000-07:00

「我堅持﹑我堅持...」 (1:52)

佢 RAP 到深造﹐

佢 RAP 到乜都無做。

我幾佩服佢咁都做得到﹐

但我聽到果句就好想嘔吐。

YO... =_="

三分の二

2007-08-30T23:59:00.000-07:00

話咁快﹐2007 年已經過左三分の二﹐有無乜野係你年頭果陣想過做但係到而家都未做﹐或者一直都未諗過要做但係而家又想做。

映昔台 07' 個人發展進程表

2007-08-30T23:35:00.000-07:00

上年年尾舉出左五點﹐進度如下...

* 心腦血管 mix and match

- 接近無改善

* 奉行 Being Happy

- 自從上個 project 完左﹐成日都好 happy

* 唔同一D唔玩得o既人講笑

- 已經續步續步邁向目標

* 講野要經大腦(然後再 loop 多幾次先出門口)

- 變得越講越少野

* increase the rate of 運用對眼去望靚女

- 已經唔需要/可以。再望就有機會被插眼。

未算失敗

2007-08-30T21:22:00.000-07:00

今年玲架車去板金整返個BODY...失敗

我會買部Xbox360或PS3...衰左

畫下畫喇﹐如果唔係會退步架!!...懶惰

減肥﹐然後再次可以穿著MEDIUM-SIZE的上衣...哈哈哈

勤力儲錢吧﹐好讓幾年後的我和豬頭能擁有一個屬於我倆的家...10%成功 =)

一拖再拖

2007-08-30T09:54:00.000-07:00

好想回去探望家人朋友和他，可是行程表卻一拖再拖。從十二月拖到三月，再拖到五月，然後現在還是個未知數。

最怕的觸碰

2007-08-23T12:27:00.000-07:00

什麽是你最不想或不喜歡摸到的東西？

什麽性質的東西摸到後會令你抓狂？

什麽東西你碰到後會雞皮疙瘩？

這期我們就來討論討論！

P/S: 請列出特別例子。別說你怕摸到C，因爲這是每個人都怕的事。

鞋烚烚

2007-08-23T12:00:00.000-07:00

自小就很怕摸到鞋烚烚的東西。

1）報紙：從小就很怕報紙。每次媽媽叫我遞報紙給她，我都會用食指和拇指尖夾起報紙給媽媽，然後趕快去洗手。如果要我看報紙，我盡其量把報紙放在地上只看娛樂版，絕對不會用手拿起來看。所以我的時事知識勁爆差，也因爲這樣養成了不閲讀新聞的習慣。

2）黑板：很怕摸到黑板。摸到的話會起雞皮疙瘩。

3）粉筆：超級怕老師點名叫我出去黑板寫東西。很怕抓起粉筆的那種感覺，也很怕在黑板寫東西那種聲音。摸完粉筆後很想即刻洗手。不洗手的話會整身不自然。

第三類結束

2007-08-23T08:45:00.000-07:00

我

很怕碰到

同性朋友的手...

嚇 mike 三寶

2007-08-23T01:48:00.000-07:00

一見到題目﹐諗都唔洗諗﹐就已經有幾樣...

1) 指甲銼
曾經有無數次﹐俾人話我D指甲好尖好利﹐篤親人。因為我真係好怕要銼指甲﹐自細已經係。就算有人近距離o係我身邊銼指甲﹐我都會毛管棟!

2) 橙
唔好問點解﹐我自己都唔知。凡係同橙咁上下 texture﹐我都唔會擺落口。感覺上﹐咬落去果種似彈非彈o既纖維質感﹐令我有覺得好似咬緊D血淋淋o既野咁。好驚!

3) 任何類形 lotion
接近係掂到都唔制﹐好唔鐘意果種黐訥訥﹑油凜凜o既感覺。如果有人幫我搽就無咁大問題(不過就唔可以搽手同面)。試過﹐細個果陣俾陳小姐圍住張檯追幾個圈都唔肯就範。而家﹐唯一我會有機會接觸到 lotion 就係幫阿女搽果陣﹐每次都要硬住頭皮﹐心裡面咿哇鬼叫一輪﹐現後外表要扮到若無其事咁頂硬上。

未來還未來

2007-08-16T23:59:00.000-07:00

大家有否幻想過未來

日新月異的科技

會帶給大家什麽樣的驚喜

究竟二十年後

你最想看到「未來產品」是什麽?

產品數目無限

請各位自由發揮

未來冇事第三集

2007-08-16T23:58:00.000-07:00

我承認我是個科幻迷

而我深信

每個科幻迷都愛幻想一些未來產品

以下便是一些嬲記牌產品:

醫學/健康:
利用複製技術和基因改造。製作出一系列的人和動物混合成的内臟和器官。内臟移值手術，如心肺腎肝腦細胞，應有盡有。而移值器官如眼球能擁有鷹的超遠視，靠手指便能分辨出食物的味道，提取斷手病人的DNA，為當事人製做新的手，然後再接駁等等。而因這些内臟和器官都是製做出來，所以永遠不會缺貨。

玩玩玩:
當然電動玩意也該進入更真實的層面。日後我們可能會目到PlayxxxtionVII的出現。玩家能感受到真實打鬥或戰爭。如何運作﹖看過MATRIX沒有﹖當然﹐書也不用讀了﹐直接把世界上所有的學識都下載進用戶的記憶裡就行了。

觀光旅行團:
想看看恐龍，或重溫一些歷史裡的重要時刻嗎﹖時光機幫到你﹐但對不起﹐因怕會改寫歷史﹐各位只能眼看手勿動。

食、訓、heah

2007-08-16T12:15:00.000-07:00

未來三大想：

1）我最想見到既係一粒每日食左就飽，

唔洗煮又唔洗成日上大號既丸。

2）隨身床，可以去到邊訓到邊。

3）任意門，想去邊就即刻可以去到。

不死鵝

2007-08-16T09:27:00.000-07:00

以而家科技進步o既速度﹐真係好難想像到二十年後會有D咩驚世發明。

不過﹐如果俾我揀﹐我要一隻淨係識得生金蛋o既機械不死鵝。

但係就凈係我可以有﹐因為太多人有就會搞亂左個金蛋媽劇﹐令到市場供過於求﹐到時成屋金蛋賣唔出﹐過期發臭就唔好啦。

而且﹐一定要係機械不死鵝﹐費事我貪心到傻左想去殺鵝取卵﹐機械同不死好似聽落會穩陣D。

仲有﹐隻鵝要係太陽能﹐可以唔洗入電﹐或唔洗叉電就更好。

亦要有響鬧功能﹐提醒我要去執翻隻金蛋。

當然要防水啦﹐因為我無諗過要擺舊咁o既野o係屋企入面。

Best case scenario﹐如果隻機械不死鵝久唔久可以提供D新鮮超肥鵝肝的話﹐就更加無得頂喇。

型

2007-08-09T23:59:00.000-07:00

最近無啦啦有一份對「型」o既執著﹐所以好想知道大家覺得咩叫做「型」!

請列出三個你認為「型」最需要o既原素。

型邏輯

2007-08-09T22:00:00.000-07:00

當一件事被人覺得係「型」之後﹐

通常都會吸引到越來越多人做。

但係越多人去做呢件有型o既事果陣﹐

呢件事就變得越唔型。

所以﹐「型」絕對係...
(一) 唔可以俾人知。因為一俾人知道﹐好快就會俾人跟風﹐跟住好快就唔會再型。

(二) 唔可以做。因為一做過﹐就會俾人知道。一俾人知道﹐好快就會俾人跟風﹐跟住好快就唔會再型。

(三) 唔可以諗。因為一諗過﹐就會有機會去做。一做過﹐就會俾人知道。一知道﹐好快就會俾人跟風﹐跟住好快就唔會再型。

簡單D講﹐型即係唔型﹔亦即係話 0 = 1。
當 0 = 1﹐你話呢個世界幾美好呢?

再見型過籠

2007-08-09T21:55:00.000-07:00

「型之原素」其實好主觀好個人

冇咩好講

但「型之意外」

本人目睹無數

以下便是各型過籠事件:

1) 玩甩尾﹐結果覽山/覽柱/覽樹。

2) 把各類名牌產品炒埋一碟﹐擺晒上身。但忽略配搭。完全WTF。

3) 做問題少年﹐玩反叛﹐踢垃圾桶。結果成身垃圾。

型是格

2007-08-09T12:09:00.000-07:00

型，係形容一個格。

衫穿出黎適合自己不跟風但顯出個格，型。

做野有自己的一套方針事半功倍，型。

對自己有自信而不浮誇，型。

我覺得型並不代表靚，靚又唔一定型。

而型，係自然散發出黎既，係學唔到的。

肉體斬件

2007-08-02T23:59:00.000-07:00

家陣時興將自己既相放上網。

有D斬件放，有D放全身。

你有無試過將自己擺上網？

我地都黎跟大隊，將自己擺上臺。

你可以斬件，亦可以放全身，

跟住講下點解作出此選擇。

* 注：唔可以放“三杯”相
** 注：一定要有自己身體或部分在相内

肉體斬手

2007-08-02T16:01:00.000-07:00

有些網界名人喜歡將自己相片擺上網。

有的比基尼特寫，有的性感内衣特寫，

總之有多性感就有多性感。

雖然我沒有那麽開放，

可是也打算把自己的玉手擺上來。

哪一個是我的？

含蓄的我是不會公開的。呵呵~~

P/S: 嚴禁知道答案者爆料。

P/S: 其中一個玉手係最近當紅時常上報紙雜誌名人的手。有幸在名人未紅前拍下的。^-^

肉體斬件之映影相

2007-08-02T16:00:00.000-07:00

我細細個果陣﹐係睇筋肉人﹑龍珠之類o既卡通片長大。所以﹐果陣成日都覺得D手臂要有咁粗得咁粗﹐仲要加埋D血管唧晒出o黎先叫做形。到左而家﹐D血管真係唧晒出o黎﹐但係對手臂就一D都唔粗﹐唔單只唔形﹐仲幾核突。

唉~~~
=_="

肉體斬兩件

2007-08-02T11:46:00.000-07:00

其實我很緊張

緊張得手心也流著汗

但你卻牽著我的手

與我

十指緊扣

瘀皮檔案

2007-07-26T21:27:00.000-07:00

不要裝失億不要裝神聖了

瘀事....大家一定有貨!!!

這禮拜大家重溫出醜片段

註:

請不要寫你的手或腳撞瘀了

這種食字方法好很土

註註:

寫自己或切身事件

請勿寫劉華的瘀事,我有看報紙,不用您你或妳告訴我

註註註:

可以用文章方式表達單一事件

如有大把瘀野爆,請用列表方式

嬲記瘀事錄

2007-07-26T02:03:00.000-07:00

小時候:

應錯人地阿媽為媽記

在※華國貨與媽記走失﹐要服務台人員用廣播:「♪♬♫~羅※澤小朋友的媽媽﹐請到服務台﹐你的兒子在這裡。~♪♬♫」

小一在課時﹐舉手要求去廁所﹐但被老師懷疑和拒絕。結果臨放學時瀨尿﹐在一眾同學前。

很喜歡玩跳樓梯﹐能從越高的梯級跳下來就越厲害。結果﹐從七級樓梯跳下來的我﹐大脾脱臼。

脱臼後看鐵打﹐由於脱臼的位置﹐黑色的藥膏要貼在屁股上。但藥膏貼不穩﹐走路時跌了一patpat的藥膏在地上﹐被同學們誤會是大便。

中學:

第一次上臺唱歌﹐好很緊張﹐好狠地走音。

當面拒絕了某人的愛意﹐但原來表錯情﹐她不愛我﹐但愛我的朋友。

在夢中情人的家裡........肚痛.........借廁爆石。

中鳥屎。

presentation中噴口水。

近年:

獨自出街食飯﹐埋單才發現竟然冇帶錢﹐間野又唔Q收卡﹐要急call友人求救﹐最後對住張單和夥計們的冷眼45分鐘才了事。

火車未到站﹐後知後覺﹐被友人指出我穿winnie-the-pooh孖煙筒。

吃得太飽﹐當街嘔吐。

酒量差但學人飲急酒﹐玉米肉粒飯﹐原碟吐出﹐在桌子上。

喝太多﹐發顛跑街﹐醉躺街道上﹐躺著嘔。

把車匙反瑣在車內﹐次數多到數不盡。

我請客﹐但忘了帶銀包。

我載你走丫! 但不見了車匙。

被人說我很像:麻原彰晃/慢必/劉以達

Hana瘀瘀事

2007-07-26T02:02:00.001-07:00

十嵗：自小體弱多病，父母管教嚴厲不給我們吃零食。放學時期搭校車回家前偷偷買了雪糕筒吃。可是離遠看到父母來接我放學，立刻把雪糕筒硬塞給站在身旁的同學。回到家父母說“唔好以爲我地睇唔到！”

十一嵗：有人從校車上大喊靚女，我轉過頭想看看誰在喊。怎麽知道聽到一聲“叫妳咩？唔知醜！”

十二嵗：被老師選做演講比賽司儀。當中有個人的題目是“勤能補拙”。我以爲好型的講“下一位演講者是XXX。所演講的題目是，勤（還特地頓了頓）能補拙。”可是大家卻以爲我口吃。

十三嵗：第一次接觸姨媽，用不慣衛生棉，校裙沾到了而不知情。還大搖大擺的在校園裏走動。

十四嵗：有枝筆掉在地上，男同學和我同一時間伸手拾起來，就在那時他的手踫到了我的手。我的臉立刻變得通紅很不好意思。然後男同學問我“妳怎麽了？”我只好搖搖頭。

十五嵗：老師講了一個字，我不明白。就問了鄰座的男同學。他望著我眼睛說“精啊！精子啊，知道嗎？”我心想，洗唔洗貢大聲啊？驚死人地唔知我唔識咩！

二十嵗：打開了朋友的車門上車想拿東西，可是進入車子後卻發覺汽車上的東西擺設全然不同。那一刻才知道我上錯陌生人的車。

二十一嵗：有天住宿舍的朋友問我“妳剛才在哪裏？大家都在練習走火警卻沒有看見妳出來。”我瞪大眼睛問“什麽？剛才真的走火警？有鐘聲響麽？我什麽都沒有聼不到也！”朋友問我到底在幹什麽，我答到“我在睡覺囖！”

二十二嵗：在Disney World看煙花，大庭廣衆下被Badtz擁吻，嘗試掙扎不果。以爲失散了的朋友們之後說看到了我們。除了瘀皮之外，我一點也不覺得浪漫。

二十三嵗：在朋友房間看到洩了氣的氣球，就手多多拿來玩。怎麽知道朋友和我說“那是用過的安全套也！妳幹痲拿來玩？”世界上到底有誰那麽變態把套吹成氣球？況且還是用過的！ @%$&#*

映昔台之少年瘀事簿

2007-07-26T02:01:00.000-07:00

小學時代:
ö 小學一年級﹐搭錯校車﹐翻唔到屋企﹐去左 missy 度食曲奇餅。
ö 小學二年級﹐案件重演。不過呢次無餅食﹐原車翻學校﹐要阿媽接。
ö 小學三年級﹐案件再次重演。如果無記錯﹐果年都係原車翻學校﹐不過自己識路翻屋企。

中學時代:
ö 第一次唱K﹐o係同學屋企。幾翻推辭之後﹐最後唱左首“無言的結局”﹐落足感情。幾日後﹐女友話分手... 近年先明白原來係一個局。
ö o係地鐵月台角落打車輪﹐被月台服務人員走過眼望望。

大學時代:
ö 打波抽根嗌痛﹐被形容為似呻吟聲。
ö 學期尾有 optional final exam﹐原本有個 B﹐考完變左 C。

近幾年果D瘀事... 一D印象都無...

纏擾

2007-07-19T23:59:00.000-07:00

有無試過見到一件事發生﹑聽到一首歌﹑或者同朋友簡短對話﹐足夠令果樣野纏擾你一日? 印象最心刻果次係點? 究竟 Hana今次會唔會又屎尿屁呢??

纏擾之幻聽

2007-07-19T08:25:00.000-07:00

有一日﹐我一片好心﹐介紹左個同事去睇後舍男生。

點知﹐佢回我一個 milk and cereal...

到左而家﹐我都依然會久唔久就俾呢段奪命煩音纏住﹐搞到成日都好似幻聽咁... =_="

纏擾之幫，唔幫

2007-07-19T08:00:00.000-07:00

有時候當朋友需要幫忙，無論是有理或無理的，只要我拒絕幫忙，雖然是有原因的，内心都會覺得不好過。那種責備自己然後覺得自己很過分很“衰”的意識，會纏擾我一日。不過當然一覺睡醒第二天就會不了了之，好像什麽事都沒發生過一樣。呵呵~~

回mike mike：今次唔會係屎尿屁。因爲屎尿屁唔會“纏擾”我一日，最多只會“困擾”我一周。^^

纏擾之 ♪::･･::･♪

2007-07-19T00:29:00.000-07:00

一九九四年

我在台灣的MTV頻道

聽到一首歌的結尾﹕

♪♬♫~~我想總有一天你會懂﹐誓言不必天天說﹐牽著我﹐的衣袖﹐像牽住一生的承諾...MY LOVE~~♪♬♫

不知道誰唱也不知道歌名

但歌詞和旋律卻銘記不忘

搞搞新意思

2007-07-12T23:59:00.000-07:00

迎合《我們...不是新浪網》的開業黎搞既。大家齊齊黎搞野~

搞搞新意思之無意思

2007-07-12T12:18:00.000-07:00

要搞新意思，

係需要創意同靈感既。

但係我卻做唔黎，

因爲我是一個無意思的人。

你兩位，請盡情發功。

開門大吉！

搞搞新意思之搞搞新意思之搞搞新意思之搞搞新意思...

2007-07-12T12:04:00.000-07:00

開張大吉!!

搞搞新意思之咩意思

2007-07-12T06:35:00.000-07:00

我總喜歡走一些

和他人不同的路

偏偏我的工作

就是如此的死板

沒有變化

沒有新意思

假如我是你或你

2007-07-05T23:59:00.000-07:00

二十多年了

做自己做到悶嗮

這禮拜

就讓大家調換身份

假如我是小花丸

2007-07-05T18:28:00.000-07:00

周末看完《中華賭俠》後和Badtz在電話裏的談話:

我：「你打來幹嗎？」
他：「下？？」

我：「我頭先發夢見到豬皮呀!!」(等著他安慰我)
他：「咩黎架？」

(過了一陣子，我按捺不住)
我：「你怎麽每次説話都加個問號？」
他：「Hana,你爲何變了男人聲？？」

我：「什麽!!？(音頻高八道) 冇...er...我喉嚨痛之嘛...」
我：「就...就算我變男人聲,你係咪唔愛我吖!？(超高尾音)」
他：「點會呢？我同你簡直係true-love 喇!!!」
他：「好似Titanic, Automatic, Panasonic 果啲貢喇!!」

(開始有點奇怪...)
我：「你好似唔係Badtz wor...」
他：「其實我係Altair...」

原裝版本: 野蠻女友（一）

假如我是嬲文治

2007-07-05T16:00:00.000-07:00

因為妳

令我明瞭到我沒有原全控制自己的能力

亦因為妳

我了解到時間是可以用來清洗傷口的

或許

有一天對於你的事

我將會失去所有的感覺吧

原裝版本: 1

假如我是映昔台

2007-07-05T13:03:00.000-07:00

映:「Hana又行開左」
嬲:「去疴死啊？」

映:「嘩，好毒啫~~」
嬲:「LOL! 唔係死﹐係C。」

原裝版本: 相差一個字母

大兜亂

2007-06-27T23:59:00.000-07:00

呢個遊戲玩左咁耐都係淨係自己顧自己﹐我就覺得唔夠 cross-over 。所以今個禮拜整個大兜亂...

格式:
1) 每人寫四句﹐每句都有特定o既開頭﹐ i.e.
我 ... 因為 ...
但係 ... 所以 ...

2) 第一句同第四句將會留翻俾自己個 post ﹐第二句會去下家﹐第三句會去上家。

例: 如果個次序係嬲記 → Altair → Hana
Altair 個 post 就會用嬲記的第二句﹐同埋 Hana 的第三句。

3) 為左令讀者有機會估到我地做乜﹐我地將會各自揀選一個顏色﹐去 color code
屬於自己o既句子。

4) 標題只有三個字﹐跟住次序 color code 埋佢啦。

其實本 post 最主要係想測試大家是否色盲。

大兜亂

2007-06-27T18:22:00.000-07:00

我大聲嗌三個六

因爲多肉少菜材料不足夠

但係Hana就一隻手打瓜左Batman

所以我飲到仆街

大兜亂

2007-06-27T15:10:00.000-07:00

我今朝起身覺得好迷惘﹐

因爲我渣住兩個﹐

但係個肚又頂住頂住喔﹐

所以我知道我只不過係發左個夢。

大兜亂

2007-06-27T13:02:00.000-07:00

我最近做唔出古古力
因為我見到嬲記俾隻蟻踩死左
但係對面開話冇
所以我唯有借用“拉屎滴”既力量

你管搜奇

2007-06-20T23:59:00.000-07:00

介紹大家怎麽可以善於利用工作時間。

mike mike 搜奇

2007-06-20T15:00:00.000-07:00

今次 hana 出題﹐逼住我去 Search 一D搞笑o既 video clip。
最終﹐我都係揀翻棟篤笑。D硬滑稽真係唔係好得...

...Everything will be pocket size, when your ass is big enough...
一絕!!

花丸搜奇

2007-06-20T12:54:00.000-07:00

原本說好了要搜奇白癡搞笑短片。我找遍美國的，英國的，日本的，韓國的，新加坡的，臺灣的，馬來西亞的，印度的，泰國的，都找不到。可是卻給我看到這個非常恐怖（個人認爲）的短片。

喜歡看Fear Factor以及恐怖片的我，看到這個短片即刻雞皮疙瘩，覺得非常disturbing。那個畫面在我腦海揮之不去，想著自己臉皮下也可能有這種噁心的蟲蟲，身體和頭皮就覺得好癢，整身goosebumps又來了。看完後我要大叫一聲，“好驚好恐怖啊~~~”。我的情緒深深被影響了。

嬲嬲搜奇

2007-06-20T06:21:00.000-07:00

OC原版:

SNL版:

艾叮熱屎穌分妮～～ XD

點解人情會有味

2007-06-15T23:59:00.000-07:00

這禮拜寫寫「人情味」吧

好久沒有聼過這回事了...

人情味之查字典

2007-06-15T15:00:00.000-07:00

見到「人情味」呢三個字﹐我第一時間諗起杜國威果套人間有情。

我已經無乜印象個故事講乜﹐但係就依稀記得有一段係講個老人家話俾個後生女聽﹐「人情味係中國人特有o既﹐D鬼佬字典入面跟本無一個字可以形容呢種感覺。」

無聊地﹐我就走去查下。

果然﹐譯到九唔搭八。

"Humane" 同 "人情味"﹐絕對係兩碼子o既事﹐我地中國人個層次高好多。

人情味之味道

2007-06-15T12:53:00.000-07:00

甜：在你無助時，對你伸出援手並不要求回報

酸：明知道沒有結果，還一味的付出，期望會有奇跡

苦：分手了心還痛抽離不到，在不忍心的情況下伸出援手。

辣：爲了報復而伸出雙手

鹹：好像什麽都願意為你做，希望得到肉體的回報。

人情味之冇得解

2007-06-15T01:04:00.000-07:00

小時候總覺得英文比中文優

因英文有過去現在和未來式

直到看了「人間有情」

一幕阿媽問從外國回來的阿女:

「阿女呀﹐你知道『人情味』英文叫什麼嗎?」

阿女不知道

而當時的英文字幕

把「人情味」譯了做「Human Sentimental」

當然不對

正確地說英文是沒有「人情味」這字

其實中文歷史悠久

怎麼會比英文遜色